Ymweliadau interim: ymagwedd gefnogol at arolygiadau ysgolion - Estyn

Ymweliadau interim: ymagwedd gefnogol at arolygiadau ysgolion

Erthygl
Rhannu'r dudalen hon

Mae ymweliadau interim yn nodwedd newydd yn ein fframwaith arolygu ar gyfer ysgolion cynradd, ysgolion uwchradd, ysgolion pob oed ac unedau cyfeirio disgyblion (UCDau). Mae’r ymweliadau hyn, a gyflwynwyd ym mis Medi 2024, yn rhoi cyfle i arweinwyr ysgolion gael trafodaethau proffesiynol gydag arolygwyr am eu cynnydd, eu heriau, a meysydd i’w gwella.

Yn wahanol i arolygiadau craidd, nid bwriad ymweliadau interim yw llunio casgliad cyffredinol am effeithiolrwydd ysgol, ond byddant yn cynorthwyo arweinwyr i adolygu cynnydd ers yr arolygiad craidd diwethaf ac ystyried eu camau nesaf ar gyfer gwella. Bydd arolygwyr yn cyfarfod ag arweinwyr ysgolion yn ystod ymweliad  interim i drafod hunanwerthuso, blaenoriaethau, a’r camau a gymerwyd i wella addysgu a dysgu.

Pam mae ymweliadau interim wedi cael eu cyflwyno?

Awgrymodd adborth gan randdeiliaid y byddent yn croesawu ymgysylltu amlach gan Estyn gydag ysgolion ac UCDau. Bydd hyn yn ein helpu i ddod i adnabod ysgolion yn well a’u cefnogi â’u proses gwerthuso a gwella.

Mae ymweliadau interim yn darparu man cyswllt rheolaidd gydag arolygwyr ar gyfer ysgolion ac UCDau, gan gynnig mewnwelediadau a myfyrdodau proffesiynol sy’n gallu llywio gwelliannau yn y dyfodol. Mae’r dull hwn yn caniatáu ar gyfer darlun cliriach o sut mae ysgolion yn gwneud cynnydd rhwng arolygiadau craidd.

Beth yw manteision ymweliadau interim?

Ymweliadau interim:

  • cefnogi trafodaethau proffesiynol am gryfderau a meysydd i’w datblygu
  • darparu adborth adeiladol i helpu ffurfio strategaethau gwella ysgolion
  • helpu llywio ffocws yr arolygiad craidd nesaf.

Beth mae penaethiaid yn ei ddweud am ymweliadau interim?

Mae adborth gan bennaeth cynradd a gymerodd ran mewn ymweliad interim yn ddiweddar yn awgrymu bod y broses yn wahanol i arolygiad craidd. Gwelon nhw fod yr ymweliad yn brofiad cadarnhaol a myfyriol, gan roi dealltwriaeth gliriach iddynt o gynnydd a blaenoriaethau eu hysgol.

I gael mwy o wybodaeth, gan gynnwys mewnwelediadau gan arweinwyr ysgolion, ewch i:

Arolygiadau craidd ac ymweliadau interim