Rhowch eich barn i ni am eich coleg.

Darllenwch bob brawddeg a rhoi tic yn y blwch sy’n cyfateb i’ch barn. Nid oes atebion cywir nac anghywir. I rai cwestiynau, byddwch chi’n gallu esbonio pam y dewisoch chi’r ateb hwnnw, os hoffech chi wneud hynny.

Meddyliwch am eich profiadau eich hun ac nid am brofiadau eich ffrindiau. Byddwch yn onest.

Mae eich barn yn bwysig i ni. Byddwn ni’n darllen eich atebion ac yn eu defnyddio i ddysgu rhagor am y coleg. Hefyd, gallem ni ddefnyddio’r holiaduron hyn i’n helpu i ddeall beth yw barn dysgwyr am golegau ar draws Cymru.

Mae’r holiadur yn ddienw. Nid ydym i’n gofyn am eich enw. Mae hyn yn golygu bod eich atebion yn gyfrinachol.

Bydd arolygwyr Estyn yn:

• darllen eich atebion
• dweud wrth bobl eraill beth rydych chi wedi’i ddweud dim ond os ydyn nhw’n
  poeni am eich diogelwch chi neu am ddiogelwch dysgwr arall.

Os ydych chi’n poeni am unrhyw beth yn y coleg, mae’n bwysig eich bod chi’n siarad ag oedolyn yn y coleg neu gartref.

Bydd eich atebion yn cael eu cadw’n ddiogel yng nghronfeydd data Estyn yn unol â’n polisïau.

Hoffem glywed eich barn am eich coleg fel aelod o staff. Darllenwch bob datganiad gan ystyried eich profiadau eich hun a thiciwch y blwch sy’n cyfateb orau i’ch barn. I rai cwestiynau, cewch gyfle i esbonio pam y dewisoch chi’r ateb hwnnw, os hoffech chi wneud hynny.

Mae eich barn yn bwysig i ni. Mae eich atebion chi ac atebion pobl eraill yn helpu i lywio’r arolygiad. Lle y bo’n briodol, gallem ddefnyddio’r wybodaeth sy’n cael ei chasglu o arolygon i’n helpu i lunio darlun cenedlaethol o waith colegau ar draws Cymru, hefyd.

Mae’r arolwg yn ddienw. Mae eich ymatebion yn gyfrinachol ac nid ydym yn gofyn am eich enw.

Bydd arolygwyr Estyn yn:

• darllen eich atebion
• byth yn datgelu eich atebion unigol i’r coleg nac i unrhyw un y tu allan i Estyn.
• Yr unig amser pan y gallem ni rannu gwybodaeth gyda phobl eraill yw os oes gennym ni bryderon am eich diogelwch chi, diogelwch staff eraill neu ddiogelwch dysgwyr.
  

Bydd eich atebion yn cael eu storio’n ddiogel yn ein cronfeydd data yn unol â’n polisi ar gadw data.