Adroddiad thematig Archives - Page 27 of 30 - Estyn

Math o Adnodd Gwella: Adroddiad thematig

Math o Adnodd Gwella: Adroddiad thematig

Rhannu'r dudalen hon

Argymhellion

Dylai Llywodraeth Cymru:

  • ystyried mabwysiadu dull safonol i’w ddefnyddio ar lefel genedlaethol ar draws pob ysgol er mwyn nodi cost gyfartalog lleoedd dros ben ac ysgolion dros ben;
  • hyrwyddo gostwng lleoedd dros ben yn dystiolaeth o reoli adnoddau yn well a’r effaith ar wella ysgolion yn hytrach na fel diben ynddo’i hun;
  • gweithio gydag awdurdodau lleol i ddatblygu a hyrwyddo arfer dda wrth arfarnu effaith cynlluniau ad-drefnu ysgolion;
  • gofyn i awdurdodau lleol gynnal asesiadau effaith ar gynlluniau ad-drefnu ysgolion lle defnyddir arian Llywodraeth Cymru i gefnogi’r gweithredu; a
  • gweithio gydag awdurdodau lleol i nodi’r strategaethau trefnu ysgolion a rheoli asedau hynny sy’n cyfrannu yn y modd mwyaf cadarnhaol at ddeilliannau ar gyfer dysgwyr a hyrwyddo eu defnydd ar draws yr holl gonsortia awdurdodau lleol.

Dylai awdurdodau lleol a chonsortia awdurdodau lleol:

  • sicrhau bod arweinwyr strategol yn blaenoriaethu trefnu ysgolion a rheoli asedau, gan ystyried yr effaith ar effeithiolrwydd ysgolion;
  • ennyn yr holl aelodau etholedig, swyddogion a phenaethiaid yn yr ymdrech i ryddhau adnoddau er mwyn buddsoddi mewn gwella deilliannau ar gyfer dysgwyr;
  • monitro ac arfarnu’r holl brosiectau ad-drefnu ysgolion yn ofalus er mwyn nodi adnoddau a ryddhawyd a’u heffaith ar wella deilliannau ar gyfer dysgwyr;
  • gwella defnydd swyddogion o’r holl ddata sydd ar gael i ysgogi datblygiadau strategol ac arfarnu eu heffaith, gan ddefnyddio her o drefniadau craffu’r awdurdod; a
  • chydweithio o fewn y consortia i hyrwyddo arfer dda, yn enwedig mewn perthynas â nodi a gweithredu i fynd i’r afael â thanberfformio.

Math o Adnodd Gwella: Adroddiad thematig

Rhannu'r dudalen hon

Argymhellion

Dylai Llywodraeth Cymru:

  • ystyried y ffordd orau o ymestyn yr arfer dda yn y ddarpariaeth ar gyfer disgyblion ag anghenion addysgol arbennig mewn addysg gorfforol a nodwyd yn yr adroddiad hwn.

Dylai awdurdodau lleol:

  • gymryd camau i raeadru’r arfer dda mewn addysg gorfforol mewn ysgolion arbennig i arweinwyr a rheolwyr, ac athrawon addysg gorfforol mewn ysgolion prif ffrwd; a
  • sicrhau bod cyfleoedd priodol ar gyfer datblygiad proffesiynol ar gael i helpu pob un o’r staff i fodloni anghenion a chodi safonau cyflawniad ar gyfer pob disgybl ag anghenion addysgol arbennig mewn addysg gorfforol.

Dylai ysgolion:

  • weithio gydag awdurdodau lleol i rannu’r arfer orau;
  • sicrhau bod pob disgybl ag anghenion addysgol arbennig mewn ysgolion prif ffrwd yn cael ei integreiddio’n briodol mewn dosbarthiadau addysg gorfforol prif ffrwd; a
  • gwella ansawdd yr asesu a’r gosod targedau ar gyfer disgyblion ag anghenion addysgol arbennig mewn addysg gorfforol.

I gael rhestr lawn o argymhellion, lawrlwythwch yr adroddiad.

Math o Adnodd Gwella: Adroddiad thematig

Rhannu'r dudalen hon

Argymhellion

Dylai ysgolion ac unedau cyfeirio disgyblion:

  • godi ymwybyddiaeth ymhlith disgyblion, rhieni a chymunedau am eu Cynllun Cydraddoldeb Anabledd a’u cynllun gweithredu; a
  • sicrhau bod adeiladau yn briodol, yn enwedig mewn mannau ymarferol a mannau gweithdy.

Dylai awdurdodau lleol:

  • sicrhau bod staff mewn UCDau yn deall eu cyfrifoldebau yn llawn ac yn trefnu darpariaeth briodol i hyrwyddo cydraddoldeb anabledd;
  • parhau i weithio gydag ysgolion i sicrhau bod adeiladau yn briodol;
  • monitro Cynlluniau Cydraddoldeb Anabledd yn fwy rheolaidd a rhoi adborth i ysgolion ac UCDau i sicrhau cysondeb gwell o ran polisi ac arfer.

Dylai Llywodraeth Cymru:

  • ddiweddaru eu harweiniad i ysgolion, yng ngoleuni Deddf Cydraddoldeb 2010, i gefnogi ysgolion i barhau i fodloni anghenion pob grŵp o ddisgyblion, yn cynnwys y rhai ag anableddau.

I gael rhestr lawn o argymhellion, lawrlwythwch yr adroddiad.

Math o Adnodd Gwella: Adroddiad thematig

Rhannu'r dudalen hon

Cydweithio er mwyn Cefnogi Gwelliannau: Cytundeb Strategol rhwng Arolygiaeth Gofal a Gwasanaethau Cymdeithasol Cymru (AGGCC), Estyn, Arolygiaeth Gofal Iechyd Cymru (AGIC) ac Swyddfa Archwilio Cymru (Mawrth 2011)

Math o Adnodd Gwella: Adroddiad thematig

Rhannu'r dudalen hon

Argymhellion

Dylai Llywodraeth Cymru:

  • egluro trefniadau ariannu ar gyfer YB yn y dyfodol a sicrhau bod y trefniadau’n cefnogi cynllunio tymor canolig a thymor hir awdurdodau lleol; a
  • sicrhau bod trefniadau ariannu yn y dyfodol yn hyrwyddo amcanion YB Llywodraeth Cymru yn fwy cadarn.

Dylai awdurdodau lleol:

  • sicrhau eu bod yn ymgorffori eu strategaethau YB yn gadarn mewn blaenoriaethau, polisïau a chynlluniau corfforaethol; a
  • gweithio’n agosach gyda phartneriaid strategol allweddol, yn enwedig iechyd a gwasanaethau cymdeithasol.

Dylai ysgolion:

  • ddwysáu eu hymdrechion i weithio gyda theuluoedd i wneud dysgu’n ddymunol i bobl o bob oedran;
  • dwysáu eu gwaith i wella eu henw da yn y gymuned leol a phwysleisio gwerth cyfleoedd addysgol; a
  • chynyddu mynediad cymunedol i’w cyfleusterau.

I gael rhestr lawn o argymhellion, lawrlwythwch yr adroddiad.

Math o Adnodd Gwella: Adroddiad thematig

Rhannu'r dudalen hon

Argymhellion

Dylai ysgolion uwchradd:

  • ddarparu dwy awr yr wythnos o ieithoedd tramor modern yng nghyfnod allweddol 3;
  • cefnogi datblygiad ieithoedd tramor modern mewn ysgolion cynradd partner;
  • datblygu arferion cyffredin rhwng yr adrannau Saesneg, Cymraeg ac ieithoedd tramor modern i wella dealltwriaeth disgyblion o gysyniadau iaith; a
  • threfnu cyfleoedd i athrawon ieithoedd tramor modern arsylwi arfer dda a mynychu cyrsiau hyfforddi.

Dylai awdurdodau lleol:

  • drefnu ymweliadau rheolaidd i arbenigwr arsylwi gwaith adrannau ieithoedd tramor modern; a
  • rhoi mwy o her i adrannau ieithoedd tramor modern wella safonau a’r nifer sy’n astudio ieithoedd tramor modern.

Dylai Llywodraeth Cymru:

  • barhau i annog a chefnogi datblygiad ieithoedd tramor modern mewn ysgolion cynradd; a
  • hyrwyddo cysylltiadau ysgol â gwledydd tramor ymhellach a rhoi cyhoeddusrwydd i ddyfarniadau fel Dyfarniad Ysgolion Rhyngwladol y Cyngor Prydeinig.

I gael rhestr lawn o argymhellion, lawrlwythwch yr adroddiad.

Math o Adnodd Gwella: Adroddiad thematig

Rhannu'r dudalen hon

Argymhellion

Dylai Llywodraeth Cymru:

  • weithio gydag adrannau eraill Llywodraeth Cymru i egluro sut y gall darparwyr dysgu yn y gymuned ysgogi gwelliant i wasanaethau;
  • hyrwyddo astudiaethau hydredol o weithgarwch dysgu wedi’i greu gan y dysgwr i gofnodi deilliannau a hyrwyddo arfer dda; a
  • chreu panel cenedlaethol i ddysgwyr ar ddatblygu rhaglenni dysgu oedolion yn y gymuned

Dylai rhwydweithiau Dysgu Cymunedol:

  • ddefnyddio ymgynghori â dysgwyr yn fwy cyson i greu dinasyddion mwy ymgysylltiedig a gwybodus er mwyn hyrwyddo mwy o falchder, uchelgais ac atebolrwydd lleol yn eu cymunedau lleol.

Dylai darparwyr unigol:

  • wella cysondeb digwyddiadau ymgynghori ar gyfer dysgwyr; a
  • nodi cysylltiadau â’r rhwydwaith lleol er mwyn cydlynu gweithgareddau ymgynghori â dysgwyr gyda sefydliadau lleol eraill ac adrannau awdurdodau lleol.

I gael rhestr lawn o argymhellion, lawrlwythwch yr adroddiad.

Math o Adnodd Gwella: Adroddiad thematig

Rhannu'r dudalen hon

Argymhellion

Dylai Llywodraeth Cymru:

  • sicrhau bod holl wasanaethau ieuenctid awdurdodau lleol yn defnyddio system gwybodaeth reoli gyson (SGR) neu un set o safonau cytûn y maent i gyd yn adrodd yn eu herbyn.

Dylai gwasanaethau ieuenctid awdurdodau lleol:

  • ddatblygu systemau gwybodaeth reoli effeithiol i gasglu data ar y nifer sy’n manteisio arnynt, cyrhaeddiad, cyfraddau tynnu’n ôl a chynnydd pobl ifanc mewn addysg ffurfiol ac addysg nad yw’n ffurfiol;
  • datblygu ymhellach systemau ar gyfer mesur datblygiad personol pobl ifanc; a
  • gwella’r arfer o gasglu a dadansoddi data a gwybodaeth berthnasol, yn cynnwys y data a’r wybodaeth sy’n ymwneud â chynhwysiant cymdeithasol.

Dylai partneriaethau lleol:

  • ddadansoddi’r data sydd ar gael sy’n ymwneud â chynhwysiant cymdeithasol er mwyn nodi heriau lleol ac atebion lleol; a
  • chefnogi cyflwyno defnydd effeithiol o SGR i asiantaethau partner sy’n cyfrannu at wasanaethau cymorth ieuenctid lleol.

I gael rhestr lawn o argymhellion, lawrlwythwch yr adroddiad.

Math o Adnodd Gwella: Adroddiad thematig

Rhannu'r dudalen hon

Argymhellion

Dylai ysgolion:

  • gynllunio rhaglen gydlynus a dilyniadol o weithgareddau addysg ariannol ar draws y cwricwlwm; a
  • monitro ac arfarnu cynnydd dysgwyr mewn datblygu a chymhwyso eu gwybodaeth, eu medrau a’u dealltwriaeth ariannol.

Dylai awdurdodau lleol:

  • weithio gydag Uned Addysg Ariannol Cymru a sefydliadau ariannol i ddarparu cymorth addysg ariannol gwell ar gyfer ysgolion; ac
  • annog ysgolion i rannu arfer orau.

Dylai Llywodraeth Cymru:

  • ddatblygu cronfa ddata ranbarthol o sefydliadau a all gefnogi a rhannu arfer dda gydag ysgolion ac awdurdodau lleol; a
  • pharhau i gefnogi datblygiad adnoddau addysg ariannol Cymraeg.

I gael rhestr lawn o argymhellion, lawrlwythwch yr adroddiad.

Math o Adnodd Gwella: Adroddiad thematig

Rhannu'r dudalen hon

Argymhellion

Dylai Llywodraeth Cymru:

  • sefydlu arweiniad strategol cenedlaethol ar gyfer dysgwyr ag anghenion caffael Saesneg;
  • datblygu cynllun strategol ag amcanion a blaenoriaethau clir ar gyfer cefnogi dysgwyr ag anghenion caffael Saesneg; a
  • phenodi swyddog arbenigol ar gyfer gweithredu’r amcanion a’r blaenoriaethau hyn.

Dylai darparwyr:

  • wella medrau athrawon rheng flaen i gefnogi dysgwyr ag anghenion caffael Saesneg; a
  • chryfhau’r adnoddau i sicrhau bod digon o staff cymwys arbenigol i fodloni anghenion dysgwyr.

Dylai Partneriaethau Plant a Phobl Ifanc:

  • ddatblygu polisi ar gyfer rhannu gwybodaeth yn effeithiol rhwng partneriaid allweddol;
  • arfarnu a gwella cynllunio trosglwyddo ar gyfer dysgwyr ag anghenion caffael Saesneg; a
  • datblygu a gweithredu strategaeth i sicrhau bod dysgwyr bregus yn cael cymorth targedig.

I gael rhestr lawn o argymhellion, lawrlwythwch yr adroddiad.