Er mwyn lleihau’r rhwystrau hyn i’r eithaf, dylai arolygwyr:
- ddefnyddio iaith y mae dysgwyr yn ei deall drwy osgoi jargon a bod yn barod i esbonio pethau’n glir
- bod yn ymwybodol o unrhyw broblemau iechyd, namau synhwyrol neu o unrhyw gymhorthion cyfathrebu posibl y mae’r dysgwyr yn eu defnyddio
- bod yn ymwybodol o unrhyw anawsterau penodol a all rwystro canolbwyntio
- ystyried cynnwys oedolyn cyfarwydd a all gynorthwyo’r disgyblion
- esbonio pwysigrwydd a diben gwrando ar farn dysgwyr fel rhan o’r arolygiad cyfan
- dweud beth hoffent ei drafod a pham
- pwysleisio bod cymryd rhan yn y cyfarfod yn wirfoddol ac y gall y dysgwr neu’r dysgwyr adael unrhyw bryd os nad ydynt yn dymuno parhau yn y cyfarfod
- dweud wrth ddysgwyr na ddylent gyfeirio at aelodau staff unigol gan ddefnyddio’u henwau yn ystod y drafodaeth
- esbonio y bydd eu barnau’n cael eu cadw’n gyfrinachol (oni bai eu bod yn dweud rhywbeth wrth yr arolygydd a allai olygu nad ydynt yn ddiogel)
- pwysleisio na fydd yr hyn y maen nhw’n ei ddweud wrth arolygwyr yn cael unrhyw effaith ar eu canlyniadau mewn arholiadau neu asesiadau
- eu sicrhau na fyddant yn cael eu henwi fel unigolion ac na roddir gwybodaeth adnabod amdanynt pan fydd yr arolygwyr yn adrodd ar eu canfyddiadau
- esbonio sut bydd yr arolygwyr yn adrodd ar eu sylwadau a sut gallant gael gafael ar yr adroddiad terfynol