Estyn 2022: Mae arweinwyr yr ysgol yn rhoi blaenoriaeth uchel i gynorthwyo disgyblion a theuluoedd i ffynnu
Trwy ddatblygu perthnasoedd cadarnhaol gyda theuluoedd a chefnogi lles dygwyr yn effeithiol, mae’r ysgol yn gallu ymyrryd yn gynnar os ydynt yn nodi bod anawsterau, er enghraifft rhianta trwy gyfnodau anodd, iechyd meddwl, presenoldeb neu ymddygiad dysgwyr. Yn y rhan fwyaf o achosion, mae hyn yn golygu eu bod yn gallu cynorthwyo teuluoedd a dysgwyr cyn i bethau fynd yn fwy o broblem, ac mae hyn wedi arwain at bresenoldeb a phrydlondeb gwell, lefelau lles uwch ac ymddygiad da ar draws yr ysgol.
Mae holiaduron disgyblion yn dangos bod y rhan fwyaf o ddysgwyr yn mwynhau mynychu Ysgol Trefonnen ac y byddent yn argymell yr ysgol i blentyn arall. Mae’r rhan fwyaf o ddisgyblion yn teimlo’n ddiogel ac maent yn gwybod bod rhywun yma i’w helpu os oes angen cymorth arnyn nhw. Daw asesiadau o les dysgwyr i’r casgliad bod y rhan fwyaf o ddysgwyr yn dangos sgorau asesu lles sy’n gwella.
Mae’r holl rieni, drwy holiaduron, yn nodi y byddent yn argymell yr ysgol hon i riant/gofalwr arall. Maent i gyd yn teimlo bod yr ysgol yn helpu pob plentyn i ymgartrefu’n dda pan fyddant yn dechrau, ac mae bron pawb o’r farn fod eu plentyn yn teimlo’n ddiogel yn yr ysgol.