Mae rheolwyr busnes ysgolion yn rhan werthfawr o dîm rheoli ysgol, ac mae eu rôl yn aml yn ymestyn y tu hwnt i gyfrifoldebau monitro ariannol.Fodd bynnag, nid yw’r rhan fwyaf o ysgolion yn cymharu eu gwariant â gwariant ysgolion eraill i nodi arbedion posibl ac nid yw llawer o ysgolion yn bwriadu olynu rheolwyr busnes sy’n agosáu at oedran ymddeol.
Argymhellion
Dylai ysgolion, awdurdodau lleol a chonsortia:
- annog rheolwyr busnes ysgolion i rannu arfer dda, cefnogi ei gilydd a nodi cyfleoedd ar gyfer cydweithio;
- cefnogi rheolwyr busnes ysgolion i ymgymryd â hyfforddiant priodol ac ennill cymwysterau perthnasol;
- arfarnu effaith gwaith y rheolwr busnes ysgolion; ac
- ystyried rhannu rheolwr busnes ysgolion ar draws clwstwr o ysgolion cynradd bach.
Dylai Llywodraeth Cymru:
- ystyried y ffordd orau o alluogi ysgolion i gymharu data ariannol ag ysgolion eraill ledled Cymru; ac
- adolygu anghenion datblygiad proffesiynol rheolwyr busnes ysgolion.