Effeithiolrwydd strategaethau ar gyfer cynnwys y dysgwyr mewn dysgu ôl-16 oed – Mai 2012

Mae’r rhan fwyaf o ddarparwyr yn gwneud defnydd da o ddulliau, yn cynnwys grwpiau cynrychioliadol ffurfiol, eiriolwyr dysgwyr, ymgynghoriadau, holiaduron ac arolygon, i ymgysylltu ag ymgynghori â dysgwyr am eu profiad dysgu a’r amgylchedd. Yna, caiff y canfyddiadau yn sgil ymgysylltu â dysgwyr yn y fath fodd eu defnyddio i gynllunio gwelliannau mewn gwasanaethau a chyrsiau i fyfyrwyr.Fodd bynnag, canfu arolygwyr nad oedd yr un darparwr yn y sector ôl-16 wedi rhoi systemau ar waith i fonitro ac arfarnu manteision cynnwys y dysgwr i ddysgwyr unigol.

Argymhellion

Dylai Llywodraeth Cymru:

• adolygu gofynion adroddiad hunanasesu blynyddol y darparwr er mwyn dal deilliannau strategaethau cynnwys y dysgwr yn llawnach;
• adolygu prosiect cynrychiolaeth myfyrwyr addysg bellach Undeb Cenedlaethol y Myfyrwyr i asesu ei effaith ar ddysgwyr;
• monitro gweithredu strategaethau cynnwys y dysgwr ar lefel y darparwr;
• gweithredu prosiectau cynrychiolaeth dysgwyr ar draws y sector ôl-16 oed i hyfforddi dysgwyr i weithredu fel eiriolwyr/cynrychiolwyr dysgwyr a sicrhau ymglymiad corff ehangach o ddysgwyr; a
• sefydlu fforymau dysgwyr sector ar lefel genedlaethol er mwyn galluogi dysgwyr i lywio natur a chwmpas eu dysgu.

Dylai darparwyr mewn sectorau ôl-16 oed:

• sefydlu systemau ar gyfer cofnodi ystod y deilliannau sy’n cael eu cyflawni gan ddysgwyr, gan gynnwys y manteision personol a chymdeithasol, o ganlyniad i gymryd rhan mewn gweithgareddau cynnwys y dysgwr;
• gwella’r systemau ar gyfer monitro dysgwyr er mwyn nodi effaith cymryd rhan mewn gweithgareddau cynnwys y dysgwr ar ddysgwyr unigol; a
• chefnogi dysgwyr i gymryd rhan mewn rhwydweithiau cynnwys y dysgwr ar lefel leol a chenedlaethol.