Bodloni anghenion dysgu plant a phobl ifnac s’yn troseddu – Mehefin 2008
Adroddiad thematig
At ei gilydd, nid yw awdurdodau lleol yn gwneud digon i sicrhau bod Timau Troseddau Ieuenctid (TTIau) yn sicrhau addysg, hyfforddiant neu gyflogaeth amser llawn ar gyfer plant a phobl ifanc yn y System Cyfiawnder Ieuenctid.Mae awdurdodau lleol yng Nghymru yn rhoi llai o gyllid yn gymesur i TTIau na phartneriaid yn Lloegr. Mae hyn yn cyfyngu ar yr ystod o wasanaethau a chyfleoedd addysgol sydd ar gael i blant a phobl ifanc.Yn gyffredinol, nid oes digon o leoedd addysgol a hyfforddiant i fodloni anghenion unigol y rhai sy’n troseddu, ac mae gormod o fylchau yn y ddarpariaeth. Mae dod o hyd i ddarpariaeth addas yn broblem barhaus. Mae hyn hefyd yn wir am ddarpariaeth Gymraeg.
Argymhellion
Dylai Llywodraeth Cymru:
- sicrhau bod digon o leoedd hyfforddiant yn y gwaith i fodloni anghenion yr holl bobl ifanc;
- casglu data cenedlaethol ar gyrhaeddiad a chyflawniadau plant a phobl ifanc sy’n cael eu goruchwylio gan TTIau yn y gymuned; a
- monitro’r defnydd o gynlluniau dysgu unigol ar gyfer yr holl blant a phobl ifanc sy’n troseddu, fel sy’n ofynnol gan Strategaeth Troseddwyr Ifanc Cymru Gyfan.
Dylai awdurdodau lleol:
- gymryd rhan mewn byrddau rheoli TTI ar lefel ddigon uchel, gan sicrhau bod cynrychiolaeth ar lefel ddigon uchel gan wasanaethau addysg; ac
- adolygu lefel y cyfraniad cyllid at TTIau.