Adolygiad o Gynlluniau Cydraddoldeb Anabledd ac arfer mewn ysgolion ac unedau cyfeirio – Mehefin 2011

Mae gwelliant nodedig wedi bod yn y cymorth a’r gefnogaeth a roddir i ddisgyblion ag anableddau mewn ysgolion prif ffrwd ac unedau cyfeirio disgyblion.Mae ysgolion cynradd, uwchradd ac arbennig ac unedau cyfeirio disgyblion yn mynd i’r afael â chydraddoldeb anabledd yn well. Ond, mae ysgolion arbennig yn well yn cael gwared ar rwystrau i ddisgyblion ag anableddau na’r rhan fwyaf o ysgolion prif ffrwd ac unedau cyfeirio disgyblion.

Argymhellion

Dylai ysgolion ac unedau cyfeirio disgyblion:

• godi ymwybyddiaeth ymhlith disgyblion, rhieni a chymunedau am eu Cynllun Cydraddoldeb Anabledd a’u cynllun gweithredu; a
• sicrhau bod adeiladau yn briodol, yn enwedig mewn mannau ymarferol a mannau gweithdy.

Dylai awdurdodau lleol:

• sicrhau bod staff mewn UCDau yn deall eu cyfrifoldebau yn llawn ac yn trefnu darpariaeth briodol i hyrwyddo cydraddoldeb anabledd;
• parhau i weithio gydag ysgolion i sicrhau bod adeiladau yn briodol;
• monitro Cynlluniau Cydraddoldeb Anabledd yn fwy rheolaidd a rhoi adborth i ysgolion ac UCDau i sicrhau cysondeb gwell o ran polisi ac arfer.

Dylai Llywodraeth Cymru:

• ddiweddaru eu harweiniad i ysgolion, yng ngoleuni Deddf Cydraddoldeb 2010, i gefnogi ysgolion i barhau i fodloni anghenion pob grŵp o ddisgyblion, yn cynnwys y rhai ag anableddau.

I gael rhestr lawn o argymhellion, lawrlwythwch yr adroddiad.